出席巴黎時裝周 同人唔同命 Jisoo獲金像影后護駕 章子怡遭冷待飲悶水

前日舉行的巴黎時裝周星光熠熠，來自世界各地的紅星包括金像影后查理絲花朗、「神奇女俠」Gal Gadot、韓團BLACK PINK成員Jisoo、內地女星章子怡、日劇《今際之國的有栖》女星仲里依紗與三吉彩花等，全場最矚目是穿低胸紫色長裙現身的Jisoo，甫出現即成為傳媒焦點，風頭蓋過一眾星級前輩，就連查理絲亦要跟她合照。反觀章子怡疑被大會冷落，除了要排隊入場外，入場後亦只能坐靠邊位置，獨自「飲悶水」，品牌高層亦沒有跟她接觸，更有消息指她連住酒店都要自費，引起內地網民不滿。

由於現場太擠擁，拍照期間，查理絲掀起大褸擋着Jisoo，搞笑表示要保護她以免逼親，Jisoo即笑住講多謝，場面搞笑。期間查理絲問Jisoo：「你幾時嚟巴黎？飛咗幾耐？係咪由韓國飛嚟？」完騷後，Jisoo離開時被大批傳媒追訪，場面一度混亂，嚇到她花容失色，要由女工作人員出手保護。事後品牌有於官方社交網上載照片，留言大讚擔任品牌全球宣傳大使的Jisoo為現場增添不少色彩。而Jisoo於社交網上載在酒店拍下的照片，自稱是「紫色Jisoo」。

另外，Jisoo隊友Rose同日以性感低胸打扮現身另一場騷，大騷白滑長腿，同場還有英國天后Dua Lipa、日本女星水原希子、韓國女星文佳煐及韓國男團GOT7成員Mark等，場面熱鬧。