方詩揚「Hea遊日本」忙爆

前華姐方詩揚近日到日本旅行，先後到訪東京、小樽、二世古、札幌等地。以往每年也到東京的她，一別4年，笑言原本打算Hea遊，怎料最終忙到爆，她說：「過往去旅行一定會Plan好晒行程，今次係第一次同閨蜜去旅行冇Plan，但估唔到係最忙嘅一次，因為每日去好多地方，所以日日都瞓得幾個鐘，雖然好攰，但去咗好多未去過嘅地方，好好玩。」而她其中一個新體驗，是穿了一整日和服四處逛，又攰又凍；她又到貓貓寺參觀，希望為新一年帶來好運。