周奕瑋否認有後台

藝人周奕瑋（Jarvis）夥拍陳嘉慧（Erica），飛往東京拍攝無綫全新旅遊節目《請1日假去旅行》，起行時被發現跟隨總經理曾志偉乘搭航空公司的東京首航。Jarvis否認「有後台」﹕「我都想知邊個係，能夠跟住搭首航，都係因為今次個節目係航空公司贊助嘅，飛機上有好多政商名人，係美麗嘅誤會！」飛抵東京後，兩人已有「新任務」，Jarvis透露：「落機先有記者會，曾生覺得交由我以日語介紹好啲，搞到我同Erica好緊張，成程機係咁背稿，結果我都講到口窒窒，Erica就耳仔都紅晒！」另外，他感激好友麥美恩早前出席台慶頒獎禮為自己「壯膽」：「有佢喺度，我定好多。」