「播咩嘢歌唔係我決定」謝安琪講頒獎禮不排除No Show

藝人張繼聰與太太謝安琪（Kay）昨日現身活動，對於有指Kay反封殺港台及無綫頒獎禮，未有派歌到兩台，Kay表示：「我都好需要宣傳，我係有派歌畀佢哋，但每個媒體都有佢哋嘅規則同機制，播咩嘢歌唔係我決定，我都好尊重佢哋，關係唔係咁差。」但問到會否現身港台的頒獎禮時，她卻有所保留，稱要視乎屆時情況而定。

另外，兩人現場跟兒子的偶像兼KOL J Lou集郵，阿聰笑言：「囝囝好鍾意J Lou，成日叫我上網睇佢啲片，我依家同J Lou合照，阿仔終於覺得我係入流，有番啲家庭地位，佢成日都叫我做大叔。」他自嘲不受兒子歡迎不打緊，最重要是受廣告客戶歡迎，才能為家庭帶來經濟效益。對於政府今日起撤銷口罩令，他們指市民有選擇權是好事，會視乎環境及需要而決定是否佩戴口罩。

孫慧雪老公憂爆肚

至於懷孕4個半月的孫慧雪挺巨肚現身，她坦言：「啲人以為我有咗6、7個月，老公好擔心，問我個肚會唔會爆。」問到胎兒性別，她表示要保密，但揚言生完今胎就「封肚」。而蘇皓兒透露正忙於拍攝ViuTV新劇，故事關於交友App，表示現實中因藝人身份而未玩過交友App。