為角色Skinhead都制 變「靚仔」斷送戀情？ 江嘉敏：鍾意美貌太膚淺

明日是《新》劇大結局，江嘉敏（Kaman）大感不捨，記得開工時，她與鄺潔楹堪稱「噪音雙喇叭」，成為劇組開心果：「爸爸（鄭子誠）初時都有話我哋嘈，有時拍到凌晨6點好眼瞓，我哋會唱歌跳舞，後來爸爸都加入跳唱，話唔捨得噪音，哈哈！」

為演好韋小寶轉世的「Mon姐」一角，她只吃青瓜、粟米和雞蛋減肥，試過月事期間不支暈倒，之後大家禁她再食減肥餐。而劇組十分疼錫她，前輩馬海倫送她血壓計，督促她每日影低結果傳她核實，鄺潔楹則送水樽監督她多飲水，令她十分窩心。

不過，為劇集頓變「男仔頭」的她，傳因剪去一頭長髮而甩拖，她解釋：「咁啱時間問題，剪頭髮係工作需要，大家鍾意同欣賞就OK。（前度唔鍾意？）每個人有唔同意見，不過多咗好多觀眾讚我靚仔，多咗好多女Fans，個個人有不同喜好，冇可能逼全世界鍾意。」問到以後揀男友，會否要鍾意短髮？她說：「唔使講到明，唔鍾意嘅揀佢做乜？（再剪短？）如果角色需要，我Skin Head都OK。」她認為外表會改變，若只鍾意美貌實在膚淺，而她揀男友只重內涵，首要孝順和顧家。

收身漸見成績，但Kaman嫌未夠，更自爆有4組運動隊友支持，包括跑步、瑜伽、行山及羽毛球，最開心是感染到兩個妹陪她跑步：「Keep Fit係終身職業，我同張繼聰拍《誇世代》時，大家都好欣賞嗰時嘅我，希望以呢個為標準。嗰時身材勻稱，比較迷人，好想叫公司開個Keep Fit節目畀我減肥。」