見面會勁歌熱舞 REN晒廣東話冧港迷

韓團NU'EST前成員REN闊別4年再會港迷，前晚假九展舉行粉絲見面會，甫出場即勁歌熱舞演繹《ROCKET ROCKET》一曲，之後以廣東話打招呼，又即場學廣東話「好好，好靚，好靚女，好靚佬！」REN分享日常生活習慣，透露每朝起床會做熱身運動及浸半身浴消腫，更即場示範拉筋，稱平日開工也會準備維他命丸等營養補充劑，又自爆睡覺時僅穿內衣褲。他自言最想合作的香港藝人是周星馳，更即場展示電影《少林足球》的踢波甫士。