首位亞裔影后 《奇異女俠》成大贏家 楊紫瓊創《演員工會》歷史 爆粗打孖上

繼《奇》大前日於奧斯卡指標的《美國監製工會獎》奪得最佳電影後，前日再於《演員工會獎》5項提名中掃走4獎成為大贏家，楊紫瓊擊敗憑《TÁR》爭獎的強敵姬蒂班查（Cate Blanchett）奪得最佳女主角，成為史上首個獲此殊榮的亞裔演員，她致詞時多謝工會，指大家也明白這段旅程有多艱辛：「但最重要嘅係，我哋從來冇放棄。我多謝你哋嘅愛同支持，因為我知道我對手都係行內嘅巨人，好合情理地。」說到激動處，她忍不住連爆兩句粗口：「X！X！」觀眾聽到後歡呼，她繼續說：「嘩！多謝，多謝……呢個獎唔係淨係畀我自己，係畀所有同我似樣嘅小女孩。」

她又提到獲頒終身成就獎的莎莉菲（Sally Field）：「莎莉菲，你之前講得好啱。我哋喺度，係因為我哋熱愛所做嘅事，而我哋永遠唔會停止，因為我哋真係非常非常熱愛呢件事。多謝大家畀我坐埋一枱，因為我哋好多人都需要佢。我哋想畀人見到，我哋想畀人聽到。而今晚你哋展示到畀我哋睇，係有可能嘅，而我係好感恩。」

楊紫瓊再為《奇》的最佳群體演出上台領獎時，特地向94歲拍檔吳漢章致敬，對方致詞時以廣東話說：「各位兄弟，今日真係好歡喜！」他笑言希望100歲時可以回歸頒獎禮舞台。拍檔關繼威大熱奪得最佳男配角，他致詞時指得知自己是首個亞裔獲此獎項後，明白這個時刻是屬於所有追求改變的人。拍檔珍美李寇蒂絲（Jamie Lee Curtis）打贏同片的許瑋倫（Stephanie Hsu），爆冷奪得最佳女配角，即時興奮得與楊紫瓊咀嘴！她致詞時提到早前對荷里活星二代有優勢的爭議，坦言自己的確是星二代，但她認為重要的是，她做演員已經做到64歲，覺得很美妙。

另外，班頓費沙（Brendan Fraser）憑《鯨》（The Whale）奪得最佳男主角，《壯志凌雲：獨行俠》（Top Gun: Maverick）則奪得最佳特技演出。