為墮胎感羞恥 Paris自爆15歲破處 被落藥迷姦

Paris在訪問中憶述慘痛經歷，表示年少時幾乎每個周末都會與朋友到洛杉磯一個購物中心閒逛，總是有比她們年長的男人埋身搭訕，事發當日，她與朋友獲邀到其中一人的家，有人半強迫她喝下飲料：「我飲完一兩口之後，馬上覺得暈陀陀同昏睡，我唔知杯嘢落咗咩，估計係迷姦藥！」數小時後醒來，她即知道出事：「我記得佢壓喺我身上嘅影像，佢掩住我個口同我講：『你喺度發緊夢。』」今次並非Paris首次爆被性侵，去年她在一個訪問中自爆17歲入讀寄宿學校時，遭校內員工性侵，至今仍活在陰影之中。

Paris又自爆曾與因性罪行入獄的荷里活電影大亨Harvey Weinstein有過不愉快經歷，事發於2000年《康城電影節》，年僅19歲的她出席由Weinstein主持的年度愛滋病研究基金慈善晚宴，活動前一日，她與女友人食Lunch時遇見Weinstein：「佢走埋嚟我張枱，問我想唔想成為女演員？我話我想拍戲，我當時係少年，好欽佩佢。佢提議會面，叫我去佢酒店房睇劇本，不過我唔想，所以冇去。」

翌晚宴會上，Weinstein對她有所舉動：「我入廁所之後，佢跟住我，嘗試開我廁格門，佢亂打亂拍道門，我冇開門，直至有保安人員入嚟帶走佢，佢大嗌：『呢個係我嘅派對！』佢完全發晒癲，令我好驚！」訪問公開後，有傳媒託Weinstein律師問獄中的他回應，他否認：「從來冇發生過，我從來冇鬧佢亦冇跟蹤過佢，我一直尊重同友善對待Paris Hilton。」

Paris又在訪問中自爆20歲初墮過胎，她說：「呢個係一啲我唔想講嘅事，因為實在太羞恥，我當時係小朋友，未準備做媽媽。」今次自揭瘡疤無損Paris的心情，前晚她在洛杉磯舉行服裝品牌的發布派對，穿上21歲生日時着過的銀色珠片迷你裙滿場飛，與賓客合照。