無懼閒言 約緋聞男友遊日本 陳瀅風騷一拖二 同羅天宇襯到絕

無綫女神陳瀅近日到了日本旅行，連日來經常上載圖片到社交平台分享，原來此行兩位緋聞男友周嘉洛和羅天宇均有同行。在新一批照片中，見她與拍攝劇集《痞子殿下》而成為好友的JW，及緋聞男友周嘉洛合照，兩女頭貼頭挨到實，周嘉洛則站在後方舉雙V，玩得好盡興。不過相比之下，另一位同行的緋聞男友羅天宇則與陳瀅親密得多，事關他們齊齊玩Cosplay，扮演卡通人物襯到絕，網友指公然以情侶裝現身，關係匪淺。

另外，周嘉洛接受電台訪問時談感情事，對於入行以來先後與拍檔包括林凱恩、蘇韻姿及陳瀅傳緋聞，他說：「冇一個係真！都係好朋友，玩得埋有緋聞係無可避免。7年嚟冇跟圈中人拍過拖，但感覺曾經有，但我心態很明確，事業行先，唔想發生事影響自己，因為太多先例，感情處理得唔好就會有影響。」

被問及單身了多久，他說：「拍過3次拖，其實我入行後都有拍拖，不過係同圈外人，喺《八時入席》之後開始，到《開心速遞》完了，到今天單身咗一段時間。」至於分手原因，他說：「始終圈外圈內世界唔一樣，話題都唔一樣，隨年紀成長，同對方價值觀磨合有出入，變咗就行唔到落去。坦白講，3、4年前自己好後生，我感情方面處理得唔成熟，但都係有傾有講和平分開。」