大方祝福舊愛 馬國明撐心穎出歌：鍾意做乜就做

唐詩詠昨日偕馬國明、陳山聰、江美儀、劉佩玥（Moon）及劉穎鏇等，在荃灣宣傳新劇《隱形戰隊》，由於陳山聰、江美儀與Moon榮升視帝視后，連同馬國明、唐詩詠及陳展鵬，新劇集合6大帝后演出，陣容強勁。

馬國明與唐詩詠第5度演情侶，詩詠笑言每次都冇好結果，希望今次破例：「喺無綫最後一套戲，希望有好結果。（唔捨得？）係好興奮，本身鍾意拍開槍戲，成就解鎖，大家造型都好有型，作為最後一套劇非常完美。」

監製文偉鴻形容馬國明是「被傻戇角色耽誤的型男」，對於獲讚開槍不眨眼，他笑言只因眼睛遲鈍，又表示不會要求行型男路線，覺得做衰格角色都好玩。問到是否不捨詩詠？他說：「合作咁多年，拍檔愈來愈少，希望佢返嚟拍啦！」詩詠也覺得與他很有默契，不排除再合作。提到黃心穎出跳唱歌，馬國明大方表示知情，但未有機會聽，撐舊愛要「加油、努力、好運」，對於心穎選擇唱歌而非拍劇，他說：「每個人可以做自己鍾意做嘅事，每個人應該重新開始，佢鍾意做乜嘢就做，最緊要開心。」

活動上，林子善公主抱Moon時突然腳仔軟，馬國明忍不住取笑Moon重磅，她死撐：「如果我呢個高度只有90磅就擔心，最緊要Fit同健康，唔使減。」她與劉穎鏇一個晒胸一個晒腰，被問到劇中一場強姦戲，她大賣關子，只透露被推落床撞瘀；劉穎鏇亦自爆為拍打戲，美腿變成「地圖腿」。