黃嘉雯擒偷拍狂徒 當場對質

前港姐冠軍黃嘉雯在J2台節目《奇蹟的罐頭料理》的小劇場中，慘遭飾演疑似變態佬的馮子亮眼神騷擾，問到現實中是否有類似經歷？她說：「有次搭港鐵見到有個男人偷影我，之後我直接行過去話『你偷影我』，但佢死口話冇，我話我明明見到，之後就叫佢Delete咗張相。當時我都幾大聲，因為想引起大家注意，畀多啲壓力佢！我以前未做藝人前會直接行過去對質，入咗行之後會深思熟慮多啲。」