蔡菀庭讚高鈞賢 嗌交有風度

前華姐蔡菀庭前晚於《廉政狙擊》登場，與老公高鈞賢鬧交離家出走，演得七情上面。蔡菀庭指拍攝前並不認識高鈞賢，相處過後大讚他風度翩翩：「導演畀我哋自己發揮呢場鬧交戲，我同高鈞賢講咁要鬧咩，佢話你唔識鬧交㗎？我話成世人都未同人鬧過交，於是佢就同我即刻度咗幾句對白。因為要一路鬧一路落樓梯，佢見我着住高踭鞋，仲提出不如幫我拖篋，好有風度。」