全智賢孫興民世紀同框 怕醜變Fans

韓國41歲靚媽全智賢前年拍畢韓劇《智異山》後，便回歸家庭生活，鮮有公開露面，近日她難得蒲頭，到英國倫敦參加代言國際品牌的時裝騷。網上流傳她的片段，身穿卡其色大褸的她高貴又有型，更與南韓王牌球星孫興民「世紀同框」，即時變身小Fans索取簽名，並說：「多謝你幫我簽名，我係你嘅Fans。」孫興民同樣秒變Fans，還搞笑地掩嘴露出怕醜笑容：「唔係啦！當然要簽啦！多謝你，係我嘅榮幸。」全智賢離開時被當地Fans捕獲，她亦有為Fans簽名，相當親切。