昔日東方袁富華結婚讀完誓詞眼濕濕
藝人袁富華與圈外女友於本月18日結束愛情長跑，已於一眾親友面前正式註冊為夫婦。新郎哥受訪時難掩興奮感動之情，透露：「最難忘係依家身份改變咗，終於有人叫我老公嘞。由於雙方父母不在，我哋係由家姐及哥哥做證婚人嘅，都係簡單擺咗3圍，冇請任何朋友及同事，簡簡單單就完婚，翌日我仲繼續去開工添嘞。」
袁富華平日背對白易如反掌，但當念誓詞卻緊張起來：「全程我都好小心咁讀，讀完真係眼濕濕。（幾時度蜜月？）預算下星期出發去北海道，返嚟就會分批約番啲朋友食飯，到時大家鍾意點我都奉陪。」原來兩人拍拖多年，一直未有同居，袁富華為築愛巢，已由郊區搬返市區：「大家都習慣咗有好多嘅私人空間，依家就要互相遷就，講乜都要喺『黃金十秒』收吓啲脾氣先。（唔慣？）頭幾日都會，真係有鬧交，好彩好快冇事，明白要開始兩個人嘅共同生活嘞，犧牲及包容都係愛嘅表現。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
