《廉政狙擊》同人唔同命 黃宗澤打到中暑 吳卓羲汗都冇滴

由邵氏兄弟與優酷聯合出品的重頭劇《廉政狙擊》，今日起逢星期一至五晚上9時30分在無綫翡翠台播出，劇集雲集一眾花旦小生，包括黃宗澤、吳卓羲、王浩信、胡定欣、黃智雯、蔡思貝、譚俊彥及蔡潔等逾150名藝人參與，由邵氏執行董事及總經理樂易玲、黃國強及劉佳莉同任監製。

故事以廉政為題材，講述五位兒時玩伴因一場塌樓意外而各散東西，25年後重遇，大家各有不同工作崗位及立場，引發出連串矛盾與衝突，並衍生出正與邪的鬥爭，當中牽涉不同案件以及隱藏的終極復仇大計。除了精彩的偵緝查案劇情，也有愛情、友情及親情的細膩描述，加上爆破、追車、打鬥等場面，勢必掀起追劇熱潮。為配合主題，由歌手吳業坤與胡鴻鈞重新演繹金曲《友共情》作為劇集主題曲。樂小姐透露今次是邵氏繼《飛虎》系列後，首度拍攝廉政題材：「呢套劇係我哋最拿手嘅男人戲，除咗查案同動作場面吸引，仲好人性化，希望從案件中反映現實社會問題，期望觀眾多多支持。」

黃宗澤、吳卓羲與王浩信首度攜手演出，飾演情同兄弟的兒時玩伴，長大後分別成為廉政公署人員、律師及警察。近年多拍動作片的Ron笑言今次拍得最舒服，有錢收又不用出汗：「我做律師，所以冇動作戲，（要記好多對白？）記多頁對白都舒服過對打。」可憐Bosco卻拍到中暑：「其實最多動作戲係浩信，我都有唔少，拍咁多次《飛虎》都冇中暑，但今次着西裝拍打戲就中暑，當日仲係酷熱天氣警告。」

至於浩信不只打戲連場，角色情緒起伏大，文戲、武戲均有相當難度，說到難忘場口，他提到一場三人被困貨櫃的戲碼：「因為講個櫃會跌落海，我哋三個連人帶貨櫃落水，喺片場拍咗兩日水底戲。」