TVB賽馬日 黎諾懿贏2千最掂 高海寧嘗過甜頭 Encore桃紅戰衣旺財

無綫相隔22年再於沙田馬場舉行「TVB賽馬日」，逾40名藝人及港姐出席，包括高海寧（高Ling）、陳煒、江美儀、譚俊彥、黎諾懿、陳展鵬、姚子羚及陳嘉慧等，場面熱鬧。

一眾小生、花旦都有投注試手風，高Ling自言為求好運，特意挑選桃紅色戰衣上陣：「我試過參加遊戲節目，要抽到91張銀紙，竟然畀我搞掂，贏咗91,000蚊獎金加獎品，真係好好運！嗰次衣着同今日一樣，都係桃紅色，希望旺一旺。」她笑言到場後不停「偷聽貼士」，又大爆有同事投注60元贏得逾2千元，原來該「大贏家」是黎諾懿！陳煒同樣好運，交低1千元給「信得過嘅人」，最終贏雙倍，她說：「我試過用100蚊亂畫三重彩，結果贏咗幾千蚊。」

視后江美儀亦湊熱鬧小賭一下，提到她早前為有份演出的電影包場，前夫及前奶奶亦是座上客，她表示與前夫關係向來要好，但講到復合機會，她笑說：「雖然關係好，但我都想歎吓新嘢，師傅話我60日內有桃花，所以復合唔諗，唔好抹煞我嘅機會！」

港姐三甲林鈺洧、許子萱及梁超怡笑言已向在場人士攞貼士，當中林鈺洧與許子萱揚言要下重注，賭本分別是100元與500元，而梁超怡冇帶現金，只有50元預算，非常節制。小花陳嘉慧以低胸裙搶Fo，首度入馬場的她以為每次下注至少要數百元，故帶了數千元現金。