余德丞扮女人受歡迎 頻被抽水兼收「大支嘢」

ViuTV全新節目《究食狩獵王》及《粉紅麻甩101》將於下周播出，一眾節目主持余德丞、ERROR成員吳保錡及陳皓雲等昨於九展為節目宣傳，首次全男班主持節目的余德丞，指身邊也有同性戀朋友，今次拍攝令他更了解他們的生活習慣：「同自己平日生活分別都幾大，試咗Gel甲，最難忘係着高踭鞋跳舞。（有冇發掘到你另一面？）了解多咗佢哋，反而令我更加堅定，冇考慮過中途轉。（有位主持都話好冧你？）唔單止一個，經常喺社交平台都收到好多好大膽嘅相。（點大膽法？）成支嘢咁囉，唔使再解釋啦！」問到其他主持有否向他抽水？他笑言每天都會：「好小事啫，唔係抽得太過分我唔會發火嘅。（你嘅極限係？）真係錫埋嚟就唔好啦，其他手部腳部動作掂到、撩吓撩吓都冇所謂嘅。」