被安排做人母 黃紫恩：監製大整蠱！

「J2女神」黃紫恩（Jojo）於飲食節目《奇蹟的罐頭料理》短劇中扮演人母，拍畢即撒嬌指當初入行全因為了當「仙氣靚女」，但笑言現實與想像有差距，更指拍攝當日才獲悉要扮演母親，更要倣效經典電影的師奶造型，問到有否覺得監製刻意摧毀其女神形象，她笑說：「監製長期都大整蠱我！希望以後有眼光嘅監製或導演，睇到我本質係一個有仙氣嘅靚女，安排番一個仙氣嘅角色畀我。」不過拍攝完成後，Jojo反而喜歡演媽媽：「論好玩同chill嘅程度，一定係扮阿媽，我拍嗰日仲要有啲唔舒服，把聲沙晒，勁似阿媽催飲湯煩住阿仔嗰種。」