文凱婷處女單曲求轉Look

「聲夢學員」文凱婷近日推出首支個人單曲《十秒限時》，早前以多個造型拍攝MV。她透露自比賽後已收到出歌消息，惟一直未有進展，直到早前見到監製及收到歌詞，繼而拍完MV，才有真實感：「呢幾日聽到首歌首播，真係覺得自己嘅作品終於出街喇！因為我仲係新人，喺首歌上面唔敢in charge太多，但有不停去構思自己嘅諗法畀大家，當然決定權係交畀公司同經理人、監製。」她指做歌過程最開心是拍攝MV，難忘當初「哀求」導演批准她至少有兩個造型，沒料結果出乎意料：「因為我好怕會超支，點知導演話首歌至少有4、5個造型，當刻我真係笑咗！」