張曦雯女追男覓良緣 羅子溢騷肌嗌慘 力拒美味誘惑

藝人羅子溢入行前乃游泳健將，難怪一直以「最強Body」見稱，不過當爸後卻「惜肉如金」，早前他終於「出山」，夥拍張曦雯擔任美容品牌代言，於廣告內盡情以開胸造型大騷42吋胸肌及馬甲線。

談到今次騷肌的準備工夫，他透露：「忍咗兩個星期，正所謂睇得唔食得，最慘情係，今次請咗位行內好出名嘅廣告導演，佢每次開工都會請個廚師喺現場提供伙食，你明我有幾慘啩？不過今次主要係宣傳瘦身，腹肌比胸肌重要。」他又讚Kelly弗到漏，造型高貴：「呢方面佢不嬲都出名。」

談到接下來是否要到馬來西亞開拍新劇？子溢說：「未有進一步通知，如果係，到時太太（楊茜堯）同大女應該會過嚟探班，囡囡因為疫情從未搭過飛機，都想佢試吓，點知佢話想搭火車多啲。（漏低囝囝？）佢太細，遲啲先啦，我好公平嘅。」

Kelly除了與子溢拍廣告搵真銀，日前亦為邵氏綜藝節目《搵鬼做情人》擔任嘉賓，大談與加拿大男友Mark的戀愛故事。她自爆雙方10年前於酒吧認識，早已確定對方是自己的理想型，於是努力出招，除了主動發信息給對方，亦不時在Mark出現的地點扮巧遇，但2人仍兜兜轉轉了幾年，最終才將關係升級成為男女朋友，現時已展開甜蜜同居生活。