歡喜冤家擦出火花張振朗與劉穎鏇談情剝光不設防

張振朗與劉穎鏇於新劇中愛得歡喜又糾纏，振朗表示除了操肌還要「留力」拍感情戲，他更有一幕脫光戲份。至於陳山聰坦言對白甚多，搞到喉嚨痛要睇專科。

藝人張振朗與劉穎鏇（Tiffany）日前於尖沙咀海旁為無綫新劇《奪命提示》拍攝外景，身穿婚紗的Tiffany大騷事業線，兩人於劇中都是有型幹探，振朗受訪時說：「我同Tiffany今次有感情線，合作得好開心，同埋監製Jazz拍過好多大製作，所以拍得好順利。」

問到今次是否要操到好Fit？他指監製之前的作品《鐵拳英雄》、《超能使者》都有很多動作戲，故自己都不敢怠慢，要Keep住狀態隨時「應戰」：「唔係怕應付唔嚟，係要儲定啲肌肉，有時間就要操定，因為動作一多就好容易瘦，希望出嚟硬淨少少！」他又表示除了打戲，都要「留力」演感情戲，據知兩人於劇中多次離離合合，既是歡喜冤家，亦有很沉重的愛情虧欠。日前有一場戲，振朗為博女方關心，扮鬼扮馬，但遭Tiffany識破，最終他要上演一幕脫光戲份。

陳山聰喉嚨痛睇專科

Tiffany受訪時坦言第一次在人流多的地方拍結婚戲，她指今次角色與過往不同，故挑戰很大：「動作場面一定有，但比之後出街嘅《隱形戰隊》冇咁多，今次同振朗感情線會有好多火花，大家合作得好好。」

同劇另一主演的視帝陳山聰日前獲客戶邀請出席晚宴，席間唱歌助陣，甚受歡迎。他於劇中飾演總督察，雖然有不少動作打戲，但他笑言除衫晒肌就要留給振朗：「今次查案戲多，講對白講到喉嚨痛，之後都要睇耳鼻喉專科Check吓。」