昔日東方鍾舒祺補辦婚宴 特製花球姊妹承傳
歌手鍾舒祺4年前下嫁樂手李恆韜，不過因疫情關係而未能大宴親朋，當時已明言一定會補辦。隨着防疫措施放寬，月前男家率先設中式喜宴，前晚則輪到女家於尖沙咀以西式派對，與好友等分享結婚的喜悅。新娘的圈中好友包括衛蘭、衛詩及黃建東等均有現身，場面熱鬧而溫馨。
一向貪靚的鍾舒祺以一襲白色低胸晚裝現身，盡騷天賦本錢。整個婚宴節奏輕鬆，安排到場賓客享用自助餐，會場中央則有舞池，旁邊有樂隊伴奏。身為新娘姐姐的鍾舒漫接受訪問時表示：「今次妹妹嘅花球同頭紗都有承傳作用，好似花球就用紙黏土製，所以冇拋花球，而係留起等我哋啲姊妹他日可以再用。我哋就講笑咁話，雖然比起一般嘅花球及頭紗貴，但大家都可以用，除開都幾抵吖。」
黃建東祝三年抱兩
黃建東則表示當晚氣氛感人﹕「佢同老公當眾承諾，話會照顧對方一生一世。喺我眼中，佢係個好有愛、好直接嘅一個女生，知道佢等咗呢個婚宴好耐，祝佢哋早生貴子、三年抱兩。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
