朱智賢上鏡打足底 黎諾懿有接班人 培育暗黑藝術家

黎諾懿、朱智賢、陳婉衡、梁茵與楊梓菁等，昨日到黃埔出席林泳淘為流浪貓狗籌款的藝術展覽。

黎諾懿表示與林泳淘同一健身教練，加上覺得活動有意義，故前來支持。問到可有畫畫天分？他笑說：「我絕對冇藝術天分，大仔亦遺傳咗我，到依家都淨係識畫火柴人，做勞作都係暗黑系作品。佢嘅天分可能喺運動方面，惟有寄望細仔有藝術天分，一文一武。」談到黃心穎轉做歌手復出，他表示近年很少見面及聯絡，但也會支持：「佢都沉澱咗一段時間，相信諗得好清楚先決定出番嚟，希望大家畀機會佢。」

朱智賢同樣自嘲沒有天分，小時候雖然學過畫畫，但上美術堂也不知自己畫甚麼。談到《流行都市》女主持連環走光，身為主持之一的她揚言沒有「中招」，並說：「大家唔使擔心，起碼都有着打底褲，所以大家見到都只係打底褲。」又指節目方面沒要求她們減少穿短裙上鏡。

至於展出多幅畫作的林泳淘被問畫了多久？她說：「由細到大都好鍾意畫畫，離開TVB後多咗好多時間，所以重拾呢個興趣，都會問吓老公意見，我會接受批評。」