陳柏宇2萬蚊補品慰妻

歌手陳柏宇（Jason）前晚出席婚紗展，大唱情歌及跟觀眾玩遊戲。講到情人節，他透露要跟太太符曉薇購買海味以備她產後坐月之用：「太太叫我攞定錢，話預2萬左右。」Jason在台上講到夫妻相處之道，最重要是互相忍讓，問他是否深有體會？他即說：「同太太經過11年半嘅相處，依家會識得避重就輕，已經好少鬧交，反而係太太同囡囡有摩擦。（你做磨心？）我通常撐太太，目的要教好個女。（生第二胎有冇壓力？）冇乜，不過經濟壓力就長期都有，好在大女愈大愈懂事，佢知要負起做家姐嘅責任，亦冇呷醋。」