龔嘉欣帶男友見拍檔陳豪教造人：最緊要識埋位！

視帝陳豪是圈中多仔公，昨日向沉醉戀愛的拍檔龔嘉欣「過招」，大講有味笑話，指「造人」重點要識埋位，適當時候「啪啪聲」便搞掂！嘉欣亦口快快洩「蜜」，自認有男友，有機會將帶給他過目！

陳豪、龔嘉欣、周嘉洛、江嘉敏、鄺潔楹及糖妹等，昨日出席無綫熱播劇《新四十二章》宣傳活動，為配合情人節主題，各人大玩示愛遊戲，不過場面搞笑居多，陳豪不停向嘉欣大笑，更突然爆料：「好戥你開心，呢排啲愛火四圍都係！」事後他笑指只是配合劇情，指大家「諗多咗」。

對於嘉欣透露拍攝期間經常向他請教夫妻相處之道，陳豪被問到是否最叻生仔？他即講有味笑話：「做人最緊要係識得埋位，適當時候啪啪聲就搞掂。其實都係順其自然，適當嘅時候做適當嘅嘢！（有冇見過嘉欣男友？）未見過，都係睇新聞先知，我以為係緋聞嚟添！」問到嘉欣會否帶男友給陳豪過目？她口快快表示：「可以呀，有機會嘅！」及後驚覺自己衝口而出，即連忙解釋沒有男友，場面搞笑，並表示情人節沒有約會：「可能去陳凱琳屋企，因為佢大仔係情人節生日，所以每年嗰日前後我哋都會聚一聚。」陳豪則表示已準備禮物及鮮花送給太太，稍後將二人世界出埠。

周嘉洛「衣錦還鄉」冇被催婚

至於首度參與《新》劇宣傳的周嘉洛，表示早前與家人回鄉拜年：「8年冇返去。（衣錦還鄉？）等成就高啲先，不過有拜祖先。（長輩有冇訓話？）叫我努力工作。（催你拍拖？）冇，佢哋知我冇時間。」他又透露劇集《痞子殿下》班底拍攝旅遊特輯的計劃暫時無限期延後：「《痞子2》下個月開工，預計拍到6、7月。（唔擔心同陳瀅嘅緋聞會翻炒？）有心理準備。」