梁諾妍帶傷上陣 愈Run愈有貨

洪永城太太梁諾妍以3小時57分16秒完成全馬比賽，產後首次跑馬拉松的她表示相隔3年再跑，加上有舊患，能夠以這成績完成已很滿意：「以前一開始就衝，但今次一直保持步速，尾段感覺仲有貨可以衝線。」又指現於巴西的洪永城在賽前傳訊息為她打氣，問到明年可會叫老公一齊跑？她表示：「如果佢唔係出埠，都會叫佢一齊跑，可能佢有啲想避開，所以去巴西做嘢。」她相信老公接受訓練後可跑全馬，希望將來帶埋囡囡一齊跑。