老公撐場 曹敏寶發表愛的宣言

無綫綜藝唱歌真人騷《中年好聲音》參賽者曹敏寶、龍婷、周吉佩（吉吉）等昨日現身商場獻Sing，曹敏寶獲老公送上鮮花，冧爆的她趁機發表愛的宣言：「老公，沒有你，我甚麼都不是。」談到與一眾參賽者感情要好，她笑指現時每晚也有飯局：「好似一家人，去錄音室時連參賽歌都唱畀大家聽，唔驚被出賣。（即係比賽名次都唔緊要？）都尊重比賽，邊個贏都開心。（吳大強之前咁高分，係咪勁敵之一？）唔係，佢係我哋最尊敬嘅長輩，70歲有咁樣嘅表現，好震撼到大家嘅眼睛，係我嘅五強心水名單。」