鍾柔美唔敢越洋打擾 等埋Chantel錄歌

由張婉婷執導的紀錄片《給十九歲的我》近日引發連串風波，片中有一段「牛下女車神」李慧詩接受張婉婷訪問的片段，然而李慧詩日前在社交網發文表示未被知會成為電影一部分，感到不被尊重。李慧詩自風波後昨日首度現身公開活動，但未知是否不欲回應相關話題，她於活動前透過大會表明不會受訪，而現場所見，她不時面露笑容，玩遊戲亦相當投入，心情似乎未受影響。

同場的「聲夢」歌手鍾柔美（Yumi）與張馳豪（Aska）大玩遊戲及唱歌，談到運動，Aska自稱擅長打籃球，曾是校隊，問是否校內風頭躉？他怕醜地說：「我冇留意，淨係覺得成班人一齊運動好熱血。」至於Yumi透露學校稍後舉行陸運會，是她最後一屆參與，為留美好回憶而參加標槍及短跑賽事，問會否做啦啦隊？她大賣關子：「唔話畀你哋知，可能有。（着短裙跳舞打氣？）我學校唔係着短裙，係着長褲，都會跳舞。」

另外，提到遠赴新西蘭留學的姚焯菲（Chantel）在宿舍擺放「聲夢」學員大合照以解思念，Aska笑說：「叫佢唔好太掛住我哋，不過都明白去到一個陌生地方，要重新熟悉係唔容易。」Yumi知道對方已開學，有很多事情要處理，所以未有打擾：「我相信佢需要啲時間去適應。（知唔知幾時返港？）唔知，如果After Class要錄新歌，都會等佢返嚟一齊錄。」