宋宛穎空降奪愛 葉蒨文獻身箍吳偉豪

劉丹、呂慧儀、湯盈盈、吳偉豪、葉蒨文與林凱恩等，昨日在將軍澳電視城出席處境劇《愛．回家之開心速遞》情人節宣傳活動，劇中CP吳偉豪與葉蒨文最近被港姐冠軍宋宛穎空降介入，變成三角關係，吳偉豪與宋宛穎更極速有咀戲，網民戥劇中由大學已開始「女追男」的葉蒨文不值，力撐她與吳偉豪較合襯，她笑說：「可能大家睇咗我哋好耐啦！我都追咗佢好耐，但一下就畀人搶咗。」又笑言劇情需要也不介意加咀戲。

奪去宋宛穎螢幕初吻的吳偉豪似乎相當回味，揚言要在情人節翻睇，他笑說：「因為嗰集我未睇，想睇番自己嘅演出啫！」而其螢幕初吻則獻給了男士：「係特約演員，依家偶然都會撞到，都有打招呼。」

林凱恩近期同時為《愛》劇及《流行都市》開工，預告與「葱頭」丘梓謙的感情戲會加重，笑言要衝擊觀眾。談及《流》接連有女主持走光，她說：「我比較粗魯，所以特別要求着長褲，大家都有互相提示，佢哋冇唔開心，笑吓就算。」講到情人節，她表示不心急拍拖，但承認有男士追求，正在發展中，要好好觀察：「媽咪教落，一日未結婚，一日都係朋友！」