「TVB女鐵人」再戰馬拉松 蔡思貝備戰2個月 搣甩壞習慣

蔡思貝2個月前已開始每星期練跑4日，問到現時練習進度？她說：「其實起初唔夠膽踏出去再次接受挑戰，因為始終疫情期間少咗集中式嘅鍛煉，加上要應付拍劇工作，身體同意志感覺脆弱咗好多。雖然過程一定辛苦，但如果決定咗，就唔會草率了事。」又指跑步帶來不少好處：「最大好處係樸素感，喺熠熠生輝嘅娛樂圈，歸零好重要。」她指跑步對培養堅毅意志亦很有效：「學會咗鞭策同檢視自己，就算做得唔夠好，都一定要今日好過昨日。」她希望透過今次比賽改掉因拍劇令睡眠時間顛倒的不良習慣。