「戀愛規條」再收緊？新歡只得19歲 里奧仔遭網民圍攻

48歲的里奧仔日前被拍得與較他年輕29歲的以色列模特兒Eden Polani，結伴出席女歌手Ebony Riley在洛杉磯舉行的新碟發布派對。雖然他們在派對上未有任何親密舉動，但大批網民留言批評里奧仔的女伴愈來愈嫩口，有網民寸爆里奧仔：「狄卡比奧嘅女友太年輕，佢可能喺學校讀緊里奧仔主演嘅《羅密歐與茱麗葉》。」另有網民笑言：「《鐵達尼號》上映嗰陣，Eden仲未出世。《華爾街狼人》上映時，佢得9歲。」加拿大諧星Katherine Ryan亦批評里奧仔專挑後生女拍拖的行為很恐怖。

不過，有「知情者」指里奧仔和Eden並非拍拖：「里奧仔同Eden只係咁啱喺派對上坐埋一齊，而佢哋當時同一大班人一齊。里奧仔同一個女仔吹水或者坐埋一齊，但唔代表佢哋拍拖。佢顯然冇可能同每個共處一室嘅人拍拖！」其實去年分手後，里奧仔已傳過與不少女模拍拖，包括27歲的Gigi Hadid及23歲「星二代」Victoria Lamas。

而Eden被傳媒起底，指她是ITM模特兒管理公司旗下的模特兒，曾登上3本以色列時尚雜誌的封面。她雖然在以色列出世，而且有法國人血統，但近年長居美國洛杉磯。其社交網原本已有23萬名追蹤者，與里奧仔傳出緋聞後，即增加近2萬名追蹤者。除了里奧仔外，她去年亦與億萬富豪Idan Ofer的31歲兒子Gil Ofer傳緋聞，而Gil之前曾與「星二代」Sofia Richie拍拖。

另一邊廂，曾與里奧仔拍拖的英國索模Roxy Horner，日前公開她為內衣品牌拍攝的情人節主題廣告，當中除了例牌晒身材，亦大騷美肌。