張致恒欠債出軌累雯雯被連環轟炸

藝人張致恒與老婆區燕雯（雯雯）育有三子，兩人曾經多次鬧出婚變。日前雯雯再次發功發長文表示收到不少訊息轟炸，當中內容涉及追數、出軌等，但她強調自己冇錢，即使老公出軌亦不會影響到她的生活和情緒，與張致恒劃清界線，她表示：「唔需要不斷轟炸我。如果你搵我係想講我老公，曾經問你借錢，而又未還錢嘅，好抱歉，我都冇錢。」

最後，她總括表示：「如果你哋任何一個想公開曝光一切，你哋即管可以做，不會影響到我。不過你哋公開，佢冇工作，一樣不會有錢畀你哋，你哋話希望將所有嘅事實放喺我心裏面，其實冇咁嘅必要，我選擇得依家嘅路我就要自己去承受。」