大贏家攞獎遲到 Beyonce格林美掃32個獎 史上最強

賽前獲9個提名領先的Beyonce不負眾望，奪得4個獎項，包括最佳跳舞/電子歌曲、最佳跳舞/電子大碟、最佳傳統R&B歌曲及最佳R&B作曲，歷年累積獎項增至32個，成為史上捧走最多格林美獎的人，超越獲31個獎的已故匈牙利指揮家Georg Solti。

因場外交通擠塞，Beyonce趕不及領第一個獎，而她獲頒第4個獎破紀錄時，全場起立致敬，她上台致詞表示：「我嘗試緊唔好咁激動，淨係感受呢晚。我想多謝上帝保護我，我想多謝Jonny叔叔，佢今晚唔喺度，但精神喺度。我想多謝父母，愛我同推動我。我想多謝我美麗嘅老公（Jay-Z）、美麗嘅3個仔女，佢哋喺屋企睇緊。我想多謝同志團體嘅愛同對類型嘅革新。上帝保佑你哋。好多謝格林美音樂獎！多謝！」

其他得獎者包括單飛的英國男子組合One Direction前成員Harry Styles，奪得年度大碟與最佳流行大碟；美國藍調女歌手Bonnie Raitt爆冷憑《Just Like That》奪得年度作曲；美國女歌手Lizzo則憑《About Damn Time》奪得年度歌曲，她與Beyonce及奪得最佳流行歌手的Adele在場內開心合照。曾在訪問自爆是荷里活動作男星狄維莊遜（Dwanye Johnson）狂熱粉絲的Adele，獲對方驚喜現身觀眾席送抱，更在其男友Rich Paul身旁熱情錫面，首次見到偶像的Adele十足小粉絲，喜上眉梢，場面搞笑！狄維其後更擔任其頒獎嘉賓。

另外，美國真人騷女星「名門獄女」Paris Hilton上月透過代母誕B，與美國商人老公Carter Reum迎來男嬰，兩人暫時放下新手父母的職責出席頒獎禮。Paris身穿中門大開的銀色珠片連身裙，造型性感，而她留言表示：「好似鑽石咁閃！好鍾意呢條裙，係去格林美嘅完美造型。」