摸PetPet：陳若思烏龍養仔睇錯「咕咕」表錯情

無綫J2女神陳若思（Amber）的比熊犬「乖乖」4歲多，是她第一隻狗狗。一身雪白毛毛的「乖乖」趣致得像個公仔，性格既活潑又黏人，相當惹人喜愛，不過Amber自嘲改錯名，笑指牠實際是「曳曳」：「我想佢好聽我話，所以改咗佢做『乖乖』，但佢一啲都唔乖，可能因為個名叫『乖乖』，佢分辨唔到咩先係乖，所以我係改錯名。」

咬爛鞋嬲唔落

「乖乖」小時候牙痕，曾咬爛Amber數千元的高踭鞋，令她嬲爆，但轉眼又被其治愈樣融化：「好彩佢個樣好治愈，就算佢好唔乖，我都甘願為佢執屎、抹尿。媽咪話佢係BB嚟，唔識，惟有慢慢教。」她自覺過往沒有責任心及懶散，但親手照顧愛犬後，性格變得有責任感。

Amber又自爆擺了大烏龍，笑說：「之前未養過狗狗，一直想養女仔，睇相經朋友買『乖乖』返嚟，養咗兩個禮拜，朋友抱佢先發現原來係男仔。我以為隻隻狗都有嗰根嘢，一直以為係尿道嚟，以為狗狗同人類結構唔同。」雌雄莫辨令人啼笑皆非，但她覺得是天意，故沒有要求替換。