張婉婷向新片主角公開道歉

此外，昨日再多一位片中主角「香港小姐」（片中稱呼）發文，指當日團隊聲稱「所有人已經簽咗名，淨係得你未簽」，令她在未清楚情況下急急簽署同意書：「佢哋完全冇同我交代成個事情嘅來龍去脈，所以我一直以為呢一套電影全部都係好評同埋一切都好順利。我當時就抱着一種心態，就係話既然係一個咁有意義嘅電影啦，公開自己少少嘅黑歷史都唔係話唔可以接受嘅。」又表示因早已離港生活，故電影上映對她未有太大影響，不過亦明白阿聆的處境：「唔應該將自己嘅快樂建立喺人哋嘅痛苦身上。」網上亦流傳一段影片，是前晚張婉婷在旺角戲院出席電影分享會時，有名情緒激動的光頭男邊行邊爆粗狂鬧張婉婷，張婉婷即被嚇親，並在工作人員護送下離開戲院。