昔日東方錫住荷包 拒剪臍帶 陳柏宇開騷蝦碌 冇拉褲鏈
歌手陳柏宇（Jason）前晚於亞洲博覽館舉行演唱會，全場座無虛席。出場時Jason先坐保母車於場館外落車，然後讓粉絲直擊他化妝及揀衫等過程，入場後繞場半周與粉絲作近距離接觸，才正式登台獻唱，台上他又公開一展自己的高爾夫球技。當演唱《墜落》後，有粉絲大讚他「靚仔」，Jason聞言笑說：「靚仔就基本啦，仲要有型，不過上天係公平嘅，我矮囉！」
Jason全晚唱足26首歌，包括在日本平台「THE FIRST TAKE」贏得百萬點擊的大熱作《有天》以及《你瞞我瞞》等。Encore環節時，他老貓燒鬚，被發現未有拉好褲鏈，至於台下歌迷則舉起手幅大合唱《永久保存》，令他感動到眼濕濕。
放兩個月假陪老婆
Jason完騷受訪，談到未有拉好褲鏈，他笑說：「幫我手嘅好自責，我叫佢唔好，其實係我咁大個人唔記得呢啲嘢。」對於台上自嘲不夠高大，Jason笑說：「我鍾意呢個高度，相信個女遺傳晒，唔會高，不過我覺得最重要係可愛。」由於太太符曉薇腹大便便，未有前來捧場，Jason透露預產期為3月尾，問到會否入產房剪臍帶，他搞笑說：「我會入產房，但唔會剪臍帶，要加錢呀！」Jason笑言「二公主」出世後，要努力賺奶粉錢：「真係唔會亂咁用錢嘞。（趁機會進軍日本市場囉，兩首歌已經百萬點擊嘞。）我想㗎！（放假幫湊B？）生完至少要放兩個月，要同太太分擔。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
