情場黑仔王又受挫 Kylie 搬返老家 葬送5年情

現年54歲的Kylie在英國生活30年後，去年決定搬回故鄉墨爾本，48歲的男友Paul則留在倫敦，這段要克服時差達11小時的遠距離戀愛難以維繫，雙方只好做回朋友。

有知情者透露：「Kylie同Paul真係好努力嘗試一齊，但最後時差係最大問題。當兩人有摩擦時，Paul唔可以真係一下子就閃去墨爾本度過長周末。Kylie起初想保密分手消息，因為佢真係唔想畀人覺得又係『好慘、戀愛運差嘅Kylie又再心碎。』佢唔會沉溺喺分手嘅傷痛，會100%全力專注喺事業。」Kylie與Paul於2018年2月由共同朋友介紹認識，數月後公開戀情，2021年一度傳出他們訂婚的消息，但Kylie一方否認。

Kylie過往曾與澳洲男星Jason Donovan、法國男星奧利華馬天尼斯（Olivier Martinez）、西班牙男星Andres Velencoso及已故澳洲樂隊INXS主音Michael Hutchence拍拖，可惜始終未能找到好歸宿。