狄維莊遜母撞車執番條命

美國動作男星狄維莊遜（Dwayne Johnson）於社交網站透露74歲母親Ata Johnson大前日於洛杉磯駕駛私家車時遇到車禍，並上載座駕右邊車頭嚴重損毀的照片。他留言表示：「感謝上帝，佢冇事。佢昨晚遇到車禍時得到天使保佑，佢會生存，繼續會進行檢查。」

他繼而表示：「呢個女人經歷過肺癌、艱辛嘅婚姻、同醉酒司機迎頭相撞、企圖自殺。佢係一個生命鬥士，令到天使同奇蹟成真。多謝洛杉磯警方同消防咁體貼同專注。多謝你哋一路同我保持通話，話畀我知發生咩事。我得番一個家長，所以如果你哋爸爸媽媽仲在世，記得要用力抱吓佢哋，因為你永遠唔知幾時會收到嗰啲冇人想收到嘅半夜3點打嚟嘅電話。」