林作晚晚奉獻 裕美：得嗰1分鐘

裕美與林作昨日在中環半山寓所接受HOY TV節目《有種老闆娘2》訪問。經營網上生意的裕美笑言最初做生意時，被男友潑冷水：「我就要係做畀佢睇，喺冇資金嘅情況下同唔同公司合作，最初賣袋，之後再經營珠寶訂製、批發同古董珠寶嘅生意。」她又指在娛樂圈打滾多年，信錯不少人，練成閱人的觸覺。問到揀男友是否眼光獨到？她笑言：「係佢揀我，我被迫接受。佢雖然口臭，但個人係幾好同正直嘅。」而林作笑言達成食軟飯的夢想，相信不少男士視他為偶像，現為女友斟茶遞水，夜晚休息則奉獻「體力」，裕美笑言：「你嗰1分鐘體力呀？」他說：「你日理萬機，分分鐘都係錢，唔好阻你咁耐。」