焦浩軒搵阿媽代出頭 關嘉敏虐待成癮 誠徵「搣得男友」

關嘉敏與焦浩軒前晚首次以「情侶檔」到坑口拍攝MPF廣告，拍攝時嘉敏貫徹在《愛．回家》的作風，出力扭浩軒的耳仔。他們在劇中一個願打一個願捱，跑出大受觀眾歡迎，更獲廣告商垂青。浩軒開心觀眾喜歡他們這一對，亦願意繼續每日被「女友」欺負，嘉敏笑說：「觀眾都係變態嘅，鍾意睇我摵佢、恰佢！」

浩軒大讚嘉敏腳頭好，帶挈他拍廣告，嘉敏亦希望廣告及登台機會陸續有來，透露平日開工有一起練歌，做好準備搵真銀。劇中被女友食住的浩軒，劇透指暫時沒有反擊機會，但媽媽之後會代出頭「復仇」，嘉敏笑說：「佢逃唔出我嘅五指山！相信角色都反映香港情侶部分嘅小情節，自己幾鍾意呢個變態嘅感覺。有次搭的士，司機仲問我可唔可以搣佢！好多人都問我平時係咪咁樣㗎？其實我平時好溫柔，唔會郁手郁腳。」自言沒有拍拖的嘉敏笑言擇偶條件是「要搣得」：「邊個頂得順就同佢拍拖啦！」而浩軒被問到現實中是否同樣被女友恰？他笑說：「以前嗰啲都冇乜嘅，大家和睦相處。」