黃妍優雅背後 膊頭受罪

歌手黃妍將於3月在旺角麥花臣舉行兩場演唱會，染了金髮的她穿上3D Print連身紙製裙拍攝，成品充滿藝術感，她大爆優雅造型背後的笑料：「本來真係要浸水拍攝，但估計我畀唔到任何表情，所以大家放棄咗，改為着一條形態上有海浪感覺嘅裙。當日天氣好凍，我裙裏面只係着咗類似絲襪嘅衫，所以我一路影一路打冷震，條裙好重，要孭住影相，結果第二日我兩邊膊頭瘀晒！」