昔日東方唔係玩玩吓！ 袁偉豪辭演新劇 專心做音樂
暌違兩年，袁偉豪（Ben）再推出新歌《馬路英雄》，將日常馬路上生態如同生活寫照唱出來，他笑言：「歌詞嘅畫面都係大家平日見到嘅。（幫大家發聲？）又唔好講發聲，大家得啖笑，我都寫咗最緊要安全、禮讓，攞個比較有教育意義埋尾。」愛揸車的他笑言若不做娛樂圈，可能會做職業司機，自認駕駛安全：「快靚正！」
他笑言揸車時有辣有唔辣：「依家揸得比較老手啲，車住朋友想佢哋坐得舒服，自己揸或者載住老婆（張寶兒）就爽快啲。」他表示19歲一take過考到車牌：「經歷過嗰啲火爆階段，過晒啦，正如歌詞講快嗰一秒有冇獎品？冇吖嘛！依家做家庭司機接送老婆、出去做嘢都要安全，有咩閃失影響好多。」
與時間競賽
Ben表示為了音樂辭演劇集《再見．枕邊人》：「好任性，可能喺某啲工作層面覺得我推咗套劇，但公司明白嘅，我唔係推劇，係唔參與，好大分別。」他對唱歌演戲同樣鍾意，但自覺演員形象深入民心：「好難甩，好多嘢要時間證明，我會繼續堅持，希望畀佢哋知道我嘅誠意。可能我兩年後先出一首歌，啲人會覺得你玩玩吓，所以我連劇都唔拍走嚟做音樂。我成日覺得要取捨，你要成就一樣嘢，都要揀咩時候做乜嘢。」
今次他身兼5職曲詞編監唱，製作過程中最難是跟時間競賽，因為他非全職做音樂，要各方面配合是好大考驗。他與好友寧爺攜手執導MV，直認有興趣做導演：「其實想拍劇，呢個MV係一個開始，成件事嘅組合令我認識到幕後要兼顧啲乜，我唔能夠話自己拍得好順手，但由故事創作開始，都要搵啱人配合，阿寧慣咗執行，佢有判斷能力。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
