姜濤揚威加國冧莊攞大獎

男團MIRROR人氣王姜濤腳傷做手術後，年初在《叱咤》頒獎禮短暫「復出」，但之後再「潛水」休養，雖然他在《叱咤》表現大受抨擊，但無阻人氣。日前「加拿大至HIT中文歌曲排行榜全國總選」公布賽果，姜濤冧莊獲頒「至HIT推崇男歌手」大獎，以及憑歌曲《風雨不改》打入十大粵語歌曲，他錄音答謝大會和樂迷支持：「我記得之前都攞過呢兩個獎，原來係所有DJ同樂迷投票選出，多謝佢哋一直咁支持我，第一年攞嘅時候冇乜太大概念，依家攞咗令我霎時諗起原來大家一直默默支持我，呢樣係好感動！我會努力㗎喇，唔會令大家再失望。」