與電影公司鬧分歧麥當娜傳記片煞停

64歲美國天后麥當娜（Madonna）本來計劃推出傳記電影，由28歲美國女星Julia Garner主演，不過計劃現已被擱置，麥當娜將專注於今年舉行的出道40周年巡迴演唱會《Celebration》。

知情者透露麥當娜與電影公司就劇本一事有創作分歧：「簡單嚟講，電影公司唔鍾意個劇本。佢哋想套片係好大眾化同輕鬆，麥當娜想內容更為大膽，搞到變咗僵局。佢寧願搵過另外一間電影公司都唔想改劇本。佢仍然想拍部戲，但依家會搞完巡迴騷先再諗。佢保留番原本班編劇，但佢都知道如果演員個期唔啱都要重新選角。」