COLLAR逆境成長 心臟變強

女團COLLAR最近推出新歌《The Bright Side》，慶祝成軍一年重新出發，以抒情歌與樂迷分享飽歷風雨的感受，而訪問當天So Ching因病缺席。講到一年後的轉變，Winka說：「以前以為好了解自己，原來唔係咁，比以前多咗反思。」Marf則謂：「舊年發生咗好多事，COLLAR嘅做法係自己獨立處理咗件事先，需要幫助先至去互相訴苦。」而Ivy則指因環境轉變，硬朗的她變成大喊包，感受到大家的好。

Candy取笑芯駖最大變化是變成「爛Gag王」：「一直覺得佢係認真派，但愈嚟愈多爛Gag，大家唔知點樣畀反應。」不過芯駖則自覺現在比前從容，對姊妹、工作人員甚至自己的信任度也大增，相信大家會一齊行落去。

隊長Gao總結說：「我哋8個女仔嘅轉變都好大，有啲人比較內向，但慢慢都開放咗，我覺得8個人心臟都強大咗好多，方向比以前清晰。過去一年大部分時間好迷惘，經過呢段時間沉澱咗，感覺大家都自在咗。」至於面對巨變的So Ching是否心臟最強大？Gao說：「佢係好叻嘅！以前會默默照顧大家，依家會願意去表達自己感受，令到大家更容易了解佢。」