向陳豪請教夫妻相處之道 龔嘉欣冧爆洩蜜 收埋另一半

陳豪、龔嘉欣、譚凱琪、江嘉敏、鄺潔楹（Judy）等昨日出席無綫新劇《新四十二章》宣傳，席間陳豪聯同鄭子誠舞醒獅助興，同劇演員亦齊齊拿起揮春及小獅頭合照，場面熱鬧。

一身紅噹噹的嘉欣心情大靚，透露過年有到陳凱琳家中拜年，還幫手為其初生BB餵奶：「真係好有滿足感，好恨生BB，唔知今年有冇機會，所以會請教陳豪夫妻相處之道。（係咪收埋咗個男朋友？ ）大家要知就會知，我唔講大話嘅，總之我冇話冇啦，我都大個女，要為將來打算，呢個農曆新年好寂寞，個個都一家人，我屋企人又唔喺香港。」問到何時有喜事宣布？她說：「都要講Timing嘅。」

鑑於另一部新劇延至3月開拍，陳豪透露會趁假期出埠，一次家庭樂，一次二人世界，問到會否又造人成功？陳豪說：「唔好咁樣，見好就收。唔係生嘅問題，係教育過程都辛苦，依家都要幫啲太子同公主未來鋪路。」

至於劇中分別以爆炸頭及男仔頭亮相的Judy及嘉敏，會否擔心影響女神形象？Judy笑說：「唔驚，反而想每次演出都帶新鮮感畀大家。」嘉敏則自爆劇中造型連母親也認不出來：「我叫佢睇宣傳片，佢話搵唔到我喺邊，因為係多咗個仔！」體形較之前脹的她，坦承拍攝該劇時比較瘦：「我畀朋友取笑套劇嘅身形係依家嘅一半，因為當時有食減肥餐，加上體力透支試過中暑同暈低咗，要瞓擔架床吸氧氣半日。」