票房破1,300萬 張敬軒負傷謝票

香港賀歲檔電影今年相當旺，張敬軒近日不停為主演的英皇賀歲電影《超神經械劫案下》宣傳，昨晚他率領魏浚笙（Jeffrey）、黃正宜、洪嘉豪、張明偉等到銅鑼灣謝票，慶祝票房衝破1,300萬。問到目標是否向2千萬邁進，軒仔說：「再繼續努力，有咁嘅成績已經好開心、好意外，自己主力唔係演員，拍檔有啲都係初哥，我哋分咗兩隊人，已經謝票80幾場。」而阿正與Jeffrey笑言希望票房有3,888萬票房攞個好意頭。另外，包紮着手臂的軒仔表示，年初三執拾錄音室時被一箱母帶壓傷左手臂，他說：「箱母帶成40幾磅，裏面有電影《古惑仔》、《金枝玉葉》嘅原聲母帶，好似整定咁，7月開放錄音室會畀大家試聽。」他又多謝Jeffrey與Tyson Yoshi近日有探望他，Jeffrey表示送了一支酒給他，阿正即笑問是否跌打酒。