昔日東方王君馨為求逼真 被劉雅瑟揸到窒息
王君馨（Grace）前年離開無綫，隻身北上參加綜藝騷，去年更接拍甄子丹自導自演電影《天龍八部之喬峰傳》，飾演重要角色「馬夫人」。她坦言很榮幸有此機會，非常感謝子丹支持與鼓勵。拍攝前為了更投入演「古裝人」，她狂聽中國音樂及睇經典古裝片：「林青霞、張曼玉、趙薇等好多經典角色都有睇，要令自己投入古裝世界。」
首次與陳鈺琪、劉雅瑟合作，Grace大讚陳鈺琪拍攝時很專注，亦非常欣賞劉雅瑟：「我睇《智齒》時已經好想同佢合作，佢係嗰啲投入咗個角色就出唔番嚟嘅人，我好愛呢啲演員，係一個戲癡，所以我同佢等埋位時，最鍾意講戲。（邊一場戲最難忘？）喺聚賢莊群打嗰場，雅瑟要好用力抓住我下顎，我叫佢唔使就我，佢真係用真力抓到我一度窒息同啲微絲血管凸晒出嚟，因為要拍十幾Take，之後塊面都損晒，但出嚟效果好好，子丹都話唔Cut機，由我哋發揮。」
色誘戲自由發揮
除了打戲，子丹還安排一場色誘戲讓Grace自行發揮，她坦言很難忘：「嗰場戲係同前輩杜玉明喺馬車入面拍嘅，子丹話由我自己發揮，有幾艷麗、幾煞食嘅招數全部攞出嚟，咁我話盡力啦，因為杜玉明本身都係打星出身，所以佢話未試過咁好福氣拍呢啲戲，連咀戲都未試過，所以我都算攞咗佢嘅銀幕初吻，亦因為咁，呢場戲我唔驚佢，仲好記得句對白『我要你死得舒舒服服』。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
