昔日東方頂40度放笑彈 曹永廉底褲濕晒
藝人曹永廉參演古裝賀歲劇《黃金萬両》，跟薛家燕合作放笑彈，他表示有對方在場即使拍得辛苦也一定開心：「佢幾攰都會同你講笑，又會萬歲，時間上控制得好好，係一個好領隊。」不過最辛苦是拍攝時撞正炎夏，戲服連底褲都被汗水濕透，他說：「最難忘係基本上每個演員都中過暑，有場戲講我哋幾兄弟舞獅，當時成40度，仲要笠住個獅頭舞動，真係勁辛苦！大家拍咗兩、三星期後，都瘦咗成個碼。」
另外，阿廉透露剛由內地返港，春節期間留港跟家人團聚。談到今次內地行不似預期：「原本有廣告，但因為疫情令部分工作取消或改期，不過今次返內地都有得着，對內地影視圈發展更加了解，識多咗人，見識多咗。有人帶我去好多直播帶貨公司參觀，我知呢方面好興旺，好多人搵我做，但我普通話唔叻，未必適合，我都係想做番演藝工作先。」問到兔年目標，他直言想多賺錢：「今次了解咗內地情形，可能之後會有啲鋪排，將來內地香港兩邊走。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
