收入勝從前 林鈺洧派錢氹阿媽 搵林俊賢「追債」

應屆港姐冠軍林鈺洧（Denice）聯同梁超怡、邢慧敏、江嘉敏、蔣家旻、袁偉豪及汪明荃等，現身無綫賀年節目《喜氣洋洋玉兔賀新歲》。Denice透露首次於大年初一開工：「感覺好熱鬧，好好氣氛，因我係獨生女，以往過年比較冷清。（有冇同爸爸林俊賢拜年？）佢唔喺香港，我年三十傳咗訊息畀佢。（收咗爸爸嘅利是未？）咁耐以嚟冇收過，我要搵佢一次過攞番二十幾封利是！」

問到母親有否派利是？Denice表示去年賺了不少，故向母親派大利是。問到封了幾位數？她笑言：「總之佢好開心，比以前多咗幾倍。」至於新年願望是否希望父母早日和好？她說：「件事平息咗，佢哋啖氣都過咗，佢哋都錫我，唔會再係咁。我嘅新年願望係事業順利，總之我好，佢哋就開心。」

至於江嘉敏主演的賀歲劇近日播出，她表示雖然拍攝期間中暑暈倒，但由於是她首次拍古裝劇，還了入行以來的心願：「呢套係輕喜劇，同我想像中嘅古裝劇好飄逸咁揮劍唔同，希望下次有機會拍。」而蔣家旻自認發錢寒，雖然奪得「最佳女配角」，但不會加價，非常抵用，並會努力賺錢學唱歌。

而袁偉豪被問會否想在兔年添丁？他說：「之前有計劃，但要睇緣分。（有冇努力？）有，身體同時間上要調節，緣分嘅嘢心急唔嚟，但我同老婆好期待。（兔BB同你哋夾唔夾？）我哋尋日去咗觀音廟上香，師傅話如果趕得切生兔B都係好年。」又指自己年紀不小，要加把勁！